Monday, May 30, 2016

စံပယ်ဖြူနု - မြောက်ဖျားကအလွမ်းရာသီ


nyisay.com



၂၀၁၄ ခုနှစ်အတွက် ဝတ္ထုရှည် အမျိုးသာစာပေဆုကို ရရှိခဲ့ပါတယ်။ မြန်မာပြည် မြောက်ဖျားက ကချင်စစ်ပွဲနဲ့ ငြိမ်းချမ်းရေးအကြောင်းကို ရေးဖွဲ့ထားပြီး ဖတ်လို့ အလွန်ကောင်းတယ်။ ဆရာမ စံပယ်ဖြူနုကိုယ်တိုင် တရုတ် မြန်မာနယ်စပ်က ဒုက္ခသည်စခန်းတွေကို သွားရောက်လေ့လာပြီး ရေးသားထားတဲ့ စာအုပ်တစ်အုပ်ပါ။ ဆရာမရဲ့ ကြိုးစားအားထုတ်မှုတွေကို ဒီစာအုပ်ဖတ်ခြင်းဖြင့် တွေ့ရပါလိမ့်မယ်။ ဒုက္ခသည်စခန်းကို ရောက်နေတဲ့ သူ့ရဲ့ ညီမလေးကို ရှာလို့တွေ့မတွေ့၊ အစ်မတစ်ယောက်ရဲ့ ညီမအပေါ်ထားတဲ့ မေတ္တာတရား ...



Monday, May 23, 2016

မလေးလုံ - ပင်မြက်မြေဇာ


ပင်မြက်မြေဇာဆိုတာ ....
မလေးလုံရဲ့ နာမည်ကျော် လက်ရာတစ်ခုပါပဲ။ ဒုတိယ ကမ္ဘာစစ်အတွင်း မြစ်ဝကျွန်းပေါ်ဒေသ ပတ်ဝန်းကျင်မှာ စစ်ဘေးရှောင်ရင်း ကိုယ်တွေ့ကြုံရတာလေးတွေကို ရေးဖွဲ့ထားတဲ့ စာအုပ်တစ်အုပ်ပါ။ စစ်ပွဲတွေ ဖြစ်လာတဲ့အခါ အသက်ဘေးအတွက် ဆောက်တည်ရာမရ ပြေးရလွှားရတဲ့ ဘဝတွေ။ အခြေမဲ့ရတဲ့ ဘဝတွေ။ စစ်မီးလျှံတွေကြား ပေါက်ဖွားလာတဲ့ လူသားတို့ရဲ့စရိုက် လူ့သဘာဝတွေကို ဒီ စာအုပ်ထဲမှာ ကောင်းကောင်းတွေ့ရပါလိမ့်မယ်။



Wednesday, May 18, 2016

မောင်မိုးသူ - အိပ်ဇိုးဒပ် (နိုင်ငံတစ်ခုမွေးဖွားခြင်း)



အထွေအထူး ညွှန်းစရာလိုမယ် မထင်တော့ပါဘူး။ အကြိမ်ကြိမ်ရိုက်နှိပ်ရပြီး ရိုက်သလောက် ရောင်းရတဲ့စာအုပ်။ ၂၀ ရာစုရဲ့ အထူးခြားဆုံးစာအုပ်။ နှစ်ပေါင်းနှစ်ထောင်ကြာ အိပ်မက်တစ်ခုကို အကောင်အထည်ဖေါ်ခဲ့တဲ့ ပြည်သူတွေရဲ့ ဖြစ်ရပ်မှန် လှုပ်ရှားမှုကြီး။


မြန်မာပြည်က နားဆွဲလေး - မုရှခါဇုအော့ 




ဖတ်ခဲ့ဖူးပြီး မေ့မရအောင်စွဲတဲ့ စာအုပ်လေးတွေထဲ “မြန်မာပြည်က နားဆွဲလေး” ကလဲ တစ်အုပ်အပါအဝင်။ စာအုပ်လေးက တစ်ခါလား ထုတ်ဝေလိုက်ပြီး နောက်ထပ် ပြန်မထုတ်တော့တဲ့အတွက် ဒီစာအုပ်လေးကို ရှိမှန်းတောင် မသိလိုက်ကြတာ များပါလိမ့်မယ်။ စာအုပ်က မူရင်း ဂျပန်ဘာသာနဲ့ ရှိနေပြီး။ ဘာသာပြန်သူ “စုမြတ်ကို” တည်းဖြတ်သူ “မပန်းခက်”။ စာပေလောကမှာ တစ်ခါမှ မကြားဖူးတဲ့ နာမည်တွေ။ ဒါပေမယ့် ဘာသာပြန်လက်ရာ မခေပါဘူး။ ချောမောပြေပြစ်တဲ့ ဝါကျအလှတွေနဲ့ ဝါရင့်ဘာသာပြန်ဆရာတစ်ဦးရဲ့ လက်ရာလားမှတ်ရတယ်။ အင်းလေ ... ဘာသာပြန်သူက ဂျပန်နိုင်ငံ ကိုဘေးတက္ကသိုလ်က Ph.D ကျောင်းသား၊ အိုဆာကာနိုင်ငံခြားဘာသာသင် တက္ကသိုလ်က အချိန်ပိုင်းနည်းပြ။

ဇာတ်လမ်းလေးကတော့ ဂျပန်ခေတ် မြန်မာပြည်အတွင်းမှာ တကယ်ဖြစ်ပျက်ခဲ့တဲ့ အဖြစ်အပျက်လေးကို ဇာတ်အိမ်ဖွဲ့ထားပါတယ်။ ဂျပန်နင်ဂျာ စစ်သားတစ်ယောက်နဲ့ မြန်မာပြည်က ကလေးမလေး မကြာတို့ရဲ့ ဖြူစင်သန့်ရှင်းလှတဲ့ မေတ္တာတရားကို ပုံဖေါ်ထားပြီး၊ ဒီထက်မက မြန်မာမြေအလှ၊ မြန်မာတို့ရဲ့ စိတ်ဓာတ်အလှတွေကိုလဲ လှလှပပကြီး ခြယ်မှုန်းထားပါသေး။ ဖတ်ပြီးရင် စွဲသွားရမယ့် စာအုပ်တစ်အုပ် ဖြစ်ပါလိမ့်မယ်။

ဒီစာအုပ်လေးဟာ ပီဒီအက်အဖြစ်နဲ့ အွန်လိုင်းပေါ်မှာ ရှိဖူးပါတယ်။ ပီဒီအက် အရည်အသွေး သိပ်မကောင်းတဲ့အတွက် ဖတ်ရတာ မှုန်တိမှုန်ဝါး စာမထင်တာတွေလဲ ရှိပါတယ်။ ကျနော့်စိတ်ထဲ အလွန်တန်ဖိုးရှိတဲ့ စာအုပ်လေးတစ်အုပ်ကို ဒီအတိုင်း ကြည့်နေရတာ စိတ်မသက်လှပါဘူး။ ဒါကြောင့် ပီဒီအက် လုပ်ဖေါ်လုပ်ဖက်တစ်ဦးဖြစ်တဲ့ မချစ်သန္တာကို စာရိုက်ခိုင်း။ ဒီဇိုင်းလှလှ မြင်ကွင်းရှင်းရှင်း အရည်အသွေးကောင်းကောင်း စာအုပ်လေး တစ်အုပ် ဖြစ်အောင် ဖန်တီးခိုင်းလိုက်ပါတယ်။ တိုင်ပင်အယ်ရာ သိပ်မစင်သေးတဲ့အတွက် စာလုံးအကျအပေါက်များတွေ့ရင် ဖြည့်စွက်ပြီး ဖတ်ကြပါလို့ တောင်းပန်ပါရစေ။ 



မောင်သာချို - ခေတ်ပြိုင် ခဲခြစ်ကောက်ကြောင်းများ






ကျနော်တို့ရဲ့ ဆရာကြီး ဂျက် (ကွမ်းခြံကုန်း) ခေါ် မောင်သာချိုက “ဖျတ်ကနဲတွေ့ရသည့် ကျွန်တော်တို့ရှေ့က ကြယ်တာရာများ” ဆိုပြီး သူ့ အထက်က ကျော်ကြားထင်ရှားခဲ့တဲ့ စာရေးဆရာကြီးများအကြောင်း ... သူ ထိတွေ့ခဲ့ရတဲ့ ထူးခြားကွက်လေးတွေကို လှလှပပ ရေးခြစ်သွားခဲ့တယ်။

ဒီ့နောက် သူနဲ့ ခေတ်ပြိုင်အနေအထားမှာ ရှိတဲ့ မင်းသစ်၊ မောင်သင်းခိုင်၊ မောင်ချောနွယ်၊ မောင်ရန်ပိုင်၊ မောင်အောင်ပွင့်၊ မင်းသိုက်မွန်၊ ဇောင်းထက်၊ နေစိမ့်၊ မောင်ဒီ၊ ရွှေစိုးဟန်၊ ဖေမြင့်၊ ကိုတာ၊ ကြူးနစ်၊ နေဝင်းမြင့်၊ ဂျူး၊ အော်ပီကျယ်၊ သန်းမြင့်အောင်တို့ရဲ့ ပုံရိပ်တွေကို “ခေတ်ပြိုင် ခဲခြစ်ကောက်ကြောင်းများ” ဆိုပြီး လှလှပပ ရေးခြစ်ပြန်တယ်။ 

စာအုပ်စာပေချစ်တဲ့ သူများအတွက် မိမိတို့ ချစ်တဲ့ စာရေးဆရာကြီးတွေရဲ့ ဘဝပုံရိပ်တွေကို ဆရာမောင်သာချိုက ဘယ်လို တင်ပြမလဲဆိုတာ သိချင်နေကြမှာပါပဲ။ သွက်သွက်လက်လက်နဲ့ အလွန်ဖတ်လို့ကောင်းတဲ့ စာအုပ်တစ်အုပ်ပါ။


 နိုင်ဦး - ကျောက်စိမ်းမြေ 





နိုင်ဦး - ကျောက်စိမ်းမြေ (အိန္ဒိယမှ မြန်မာပြည်မြောက်ပိုင်းကို ဖြတ်၍ တရုတ်ပြည်သို့ ခရီးကြမ်း)
ဘာတီး(လ်)လင့်တနာ ဆိုတာကတော့ အားလုံးသိကြတဲ့အတိုင်း ဆယ်စုနှစ် သုံးစုနီးပါးလောက် အာရှအကြောင်း ဆောင်းပါးတွေကို ရေးသားခဲ့သူ တစ်ယောက်ပါ။ ဒါ့အပြင် မြန်မာ့အရေး ကျွမ်းကျင်သူတစ်ယောက်လို့လဲ သတ်မှတ်ခံရတဲ့သူ ဖြစ်ပါတယ်။ Far Eastern Economic Review အတွက် မြန်မာနိုင်ငံဆိုင်ရာ သတင်းထောက်အဖြစ် လုပ်ကိုင်ခဲ့ဖူးတယ်။

၁၉၈၅-၁၉၈၇ ခုနှစ်များအတွင်းက တိုင်းရင်းသားလက်နက်ကိုင်တွေ ထိန်းချုပ်ထားတဲ့ မြန်မာပြည်နယ်စပ်များသို့ ဇနီးဖြစ်သူနဲ့အတူ ခရီးကြမ်းကိုသွားလာခဲ့ပြီး တိုင်းရင်းသားခေါင်းဆောင်တွေ၊ ဗမာပြည် ကွန်မြူနစ်ပါတီ ခေါင်းဆောင်တွေ့နဲ့ တွေ့ဆုံ မေးမြန်းခြင်းများကို ပြုလုပ်ခဲ့ပါတယ်။ အဲဒီအကြောင်းတွေကို “ကျောက်စိမ်းမြေ” မှာ စိတ်လှုပ်ရှားဖွယ်ရာ တနင့်တပိုးကြီး ဖတ်ရပါလိမ့်မယ်ဗျာ။
တစ်ခုတော့ တောင်းပန်လိုပါတယ်။ စာအုပ်ထဲမှာပါဝင်တဲ့ ဓာတ်ပုံတွေကို တစ်ပုံမှ မကျန်စေရဘဲ အရည်အသွေးကောင်းကောင်း ရအောင် ထည့်သွင်းထားတဲ့အတွက် ဖိုင်ဆိုဒ်က ကြီးသွားပါတယ်။ 39 MB ရှိပါတယ်။ တင်ပေးရတဲ့ ကျနော့်မှာလဲ မသက်သာဘူး။ ဆွဲယူမယ့်သူများကိုလဲ ကိုယ်ချင်းစာတယ်။ ဖုန်းဘေလဲ အတော်ပြောင်သွားတယ်။ စာအုပ်က ကောင်းလွန်းတော့ အားလုံးကို ဖတ်စေချင်တယ်လေ။


       ဒေါက်တာ ရှိတ်အဗ္ဗဒူရာမန်

 တစ်ထောင့်တစ်ည ပြောရသော ပသီပုံပြင်


   
          ဒေါက်တာ ရှိတ်အဗ္ဗဒူရာမန် - တစ်ထောင့်တစ်ည ပြောရသော ပသီပုံပြင် ဝတ္ထုကြီး
အာရေဘီရန်နိုက်လို့ ခေါ်တဲ့ တစ်ထောင့်တစ်ည ပုံပြင်ကို ဘာသာပြန်တဲ့အထဲမှာ ဦးဖိုးသာဇံ (ခေါ်) ဒေါက်တာ ရှိတ်အဗ္ဗဒူရာမန်ရယ်၊ သခင်ဘသောင်းရယ်၊ ဆရာ ကျော်လှိုင်ဦးရယ် သုံးဦး ရှိတယ် မှတ်ပါတယ်။

           ဆရာကြီး သခင်ဘသောင်း ဘာသာပြန်တဲ့ တစ်ထောင့်တစ်ညကို ဖတ်ဖူးခဲ့တယ်။ ဘာသာပြန်လက်ရာ အလွန်ကောင်းတဲ့အတွက် မှတ်မှတ်ရရ ရှိဖူးတယ်။ ဆရာကျော်လှိုင်ဦး ဘာသာပြန်တဲ့ တစ်ထောင့်တစ်ညကတော့ စာအုပ်အရေအတွက် များတဲ့အတွက် ဖတ်ဖို့ မဝံ့ရဲသေးတာနဲ့ မဖတ်ဖူးသေး။ အခု ... ဒေါက်တာ ရှိတ်အဗ္ဗဒူရာမန် ဘာသာပြန်တဲ့ တစ်ထောင့်တစ်ညကိုတော့ စာစီ စာရိုက်ပေးသူ မသန်းသန်းနိုင် ကျေးဇူးကြောင့် ပီဒီအက် လုပ်ရင်း ဖတ်ရပါပြီ။ ဘယ်လို ကွာခြားသလဲဆိုရင် ...

             ဆရာကြီးသခင်ဘသောင်း ဘာသာပြန်တုန်းက ပုံပြင်တွေကို ရွေးနုတ်ပြီး လက်ရွေးစင်အနေနဲ့ ဘာသာပြန်ခဲ့ပါတယ်။ အခု ဒေါက်တာ ရှိတ်အဗ္ဗဒူရာမန်လဲပဲ ပုံပြင်တွေကို ရွေးနုတ်ပြီး လက်ရွေးစင်အနေနဲ့ ဘာသာပြန်ပါတယ်။ ပုံပြင်တွေ မတူကြပါဘူး။ ဘယ်သူက ပိုပြီး စောသလဲ ရှေးကျသလဲဆိုရင် ဒေါက်တာ ရှိတ်အဗ္ဗဒူရာမန်က ပိုပြီး ရှေးကျပါတယ်။ ဒီ ဆရာကြီးဟာ ရှေးခေတ်ဦး ရုပ်ရှင်မင်းသားကြီး ဒဂုဏ်ပ ဦးဘတင်ရဲ့ ဖခင်ကြီး ဖြစ်သလို၊ ပညာရှင်ကြီး တစ်ဦးလဲ ဖြစ်ပါတယ်။

               သေသပ်ချောမောတဲ့ ဘာသာပြန်ချက်တွေ၊ ယဉ်ကျေးသိမ်မွေ့တဲ့ ထီးဟန်နန်းဟန် အသုံးအနှုန်းတွေ၊ အာရေဘီရန်နိုက်ကို ဗုဒ္ဓဘာသာ ထွန်းကားတဲ့ မြန်မာပြည်သားတွေ လက်ထဲ ဘယ်လို ထည့်ပေးသလဲဆိုတာ ဒီစာအုပ်ကို ဖတ်ကြည့်ရင် တွေ့ရပါလိမ့်မယ်။ ဆရာကြီး ဒေါက်တာ ရှိတ်အဗ္ဗဒူရာမန်ကို လက်ဖျားခါပါတယ် တစ်ချက် တစ်ချက် ဘာသာပြန်ရင်း မထင်ရင် မထင်သလို ပါဠိတွေတောင် ရွတ်လိုက်ဖတ်လိုက်သေး။

Saturday, March 19, 2016

နွယ်သစ် - ကမ္ဘာကျော်စာအုပ် ၁၀၀


 နွယ်သစ်ဆိုတာက ဆရာမင်းကျော်၊ ဆရာညွန့်ကြူး၊ ဆရာကျော်အောင်တို့ သုံးဦးပေါင်းထားတဲ့ ကလောင်ပါ။ ဒီစာအုပ်ကို ၁၉၉၉ ခုနှစ်က ဒုတိယအကြိမ် ရာပြည့်စာအုပ်တိုက်က ထုတ်ဝေခဲ့ပြီး နောက်ထပ် ပြန်မထွက်တော့တဲ့ ရှားပါးစာအုပ်ဆိုရင်လဲ မမှားပါဘူး။ ကမ္ဘာ့ဂန္ထဝင်စာအုပ်ကြီးတွေကို ဖတ်ဖို့အချိန်မပေးနိုင်သေးသူများအတွက်၊ စာသမားတွေရဲ့ စကားဝိုင်းမှာ ဂန္ထဝင်စာအုပ်ကြီးတွေအကြောင်းကို လေကန်နိုင်ဖို့အတွက်၊ ယုတ်စွအဆုံး ကိုယ့်နိုင်ငံသား မဟုတ်တဲ့ စာဂျပိုးတွေနဲ့ တွေ့တဲ့အခါ လူလည်ကျနိုင်ဖို့ ဒီစာအုပ်က မရှိမဖြစ် လိုအပ်ပါတယ်။ ဖတ်နိုင်ကြပါစေဗျာ..

စာအုပ်​ယူရန်​

စာအုပ်​ယူရန်​


Monday, March 14, 2016

ရွှေဥဒေါင်း - ​မျှော်​တလင့်​လင့်​



 အနောက်နိုင်ငံတွေမှာ ဂန္ထဝင်မြောက် ဝတ္ထုရှည်ကြီးတွေကို အကျဉ်း ရီတိုးအနေနဲ့ ပြန်ထုတ်ထားတဲ့ စာအုပ်တွေလဲ ရှိတယ်။ Charles Dickens ရဲ့ Great Expectations ဂန္ထဝင် ဝတ္ထုရှည်ကြီးကို အကျဉ်းချုပ်ပြီး ရီတိုးလုပ်ထားတဲ့ စာအုပ်တစ်အုပ်ကို ဆရာကြီးရွှေဥဒေါင်းက “မျှော်တလင့်လင့်” ဆိုပြီး ဘာသာပြန်ခဲ့တယ်။ သိတဲ့အတိုင်းပါပဲ ဆရာကြီး ရွှေဥဒေါင်းရဲ့ ဘာသာပြန်လက်ရာဟာ အင်မတန်ချောမွေ့သေသပ်လွန်းတော့ အဲဒီခေတ် အဲဒီအခါက ရီတိုးစာအုပ်တစ်အုပ်မှန်း မသိသာခဲ့ဘူး။ နောက်ပိုင်း ဆရာမောင်ထွန်းသူ အပြည်အစုံ ဘာသာပြန်တော့မှ ဆရာကြီးရွှေဥဒေါင်းရဲ့ စာအုပ်က ရီတိုးမှန်း သိခဲ့ရတယ်။ ဒီစာအုပ်နဲ့ပဲ ၁၉၅၀ ခုနှစ်မှာ စာပေဗိမာန် ဘာသာပြန်ဆုကို ဆရာကြီးရွှေဥဒေါင်း ရခဲ့ပါတယ်။   ဒီစာအုပ်ကို ဘာသာပြန်ရခြင်း ရည်ရွယ်ချက်ကို ဆရာကြီးရွှေဥဒေါင်းရဲ့ တစ်သက်တာမှတ်တမ်းမှာ ဖေါ်ပြထားဖူးတယ်။ မြန်မာ စာဖတ်ပရိသတ်တွေအနေနဲ့ စာအုပ်ထဲက ပန်းပဲသမားကြီးကို တကယ့် ဟီးရိုးကြီးတစ်ယောက်လို ပုံဖေါ်ခံစားလို့ရရင် ဆရာကြီးရဲ့ ဆန္ဒပြည့်ဝပါပြီ။  
စာအုပ်​ယူရန်​

Tuesday, March 8, 2016

 ဗော်လဂါမှ ဂင်္ဂါသို့


အချို့ မေးတဲ့သူတွေ ရှိတယ် “အူးညီ ... စာအုပ်လေးတွေက သန့်သန့်လေးတွေ၊ ဘယ်လို ပစ္စည်းကောင်းတွေများ သုံးပြီး လုပ်နေတာလဲ” တဲ့။

ပြောရရင်တော့ အူးညီမှာ ... ဘက်ထရီဒေါင်းနေတဲ့ လပ်တော့ အစုတ်ကလေး တစ်လုံးရယ်၊ နှစ်တွေကြာလို့ မှန်သားပြင်မှာ ဂျီး (ချေး) ကပ်နေတဲ့ ငါးသောင်းတန် စကင်နာ အဟောင်းလေး တစ်လုံးရယ်၊ စေတနာ ၉၀ သားရယ်ပါ။ အဲဒါတွေနဲ့ စာအုပ်လေးတွေ လုပ်ပြီး ပေးပါတယ်။ (ဤကား စကားချပ်)

အခု “ဗော်လဂါမှ ဂင်္ဂါသို့” စာအုပ်ကို လုပ်ပေးမယ်ဆိုပြီး ပြောခဲ့တာ တစ်နှစ်ကျော်လေးကြာခဲ့ပြီပေါ့နော်။ စေတနာ တကယ်ရှိပါတယ်။ ဒါမယ့် အခက်အခဲလေးတွေလဲ ရှိတယ်။ 

ကျနော် တကယ့်ကို နှစ်သက်တဲ့ စာအုပ်လေးတစ်အုပ် ဖြစ်တာမို့ အွန်လိုင်းပေါ်မှာ ရှိစေချင်ခဲ့တာပါ။ နောက်ပြီး ဒီစာအုပ်ဟာ ဆရာကြီး ဆန်းထွန်း (မန်းတက္ကသိုလ်) ရဲ့ ကြိုးစားအားထုတ်မှုကြီးတစ်ခုလဲ ဖြစ်။ စာပေလက်ရာတွေ အများကြီး မထားခဲ့တဲ့ ဆရာကြီး ဆန်းထွန်းရဲ့ ရှားပါးလှတဲ့ ဘာသာပြန် စာအုပ်တစ်အုပ်လဲ ဖြစ်။ မူရင်း စာရေးဆရာကြီး ရာဟုလာသံကိစ္စည်းရဲ့ ကမ္ဘာကျော် ဂန္ထဝင်စာအုပ်ကြီးတစ်အုပ်လဲ ဖြစ်နေတော့ကား ...။ 

ဒီတော့ “ဗော်လဂါမှ ဂင်္ဂါသို့” စာအုပ်ဟာ မြန်မာ့စာပေလောကအတွက် အွန်လိုင်းပေါ်မှာ ရှိသင့်ပြီပေါ့။